老師生涯

看了以下老師的自白，我可以想像到現時教育制度下所教出來的小朋友會是如何。做家長的，真要多加留意！ 能保持教育熱誠的老師已比較難找到！

做教師生涯可是我們可想像到，以我這樣，晚晚八時回家已經不似人，跟著面對自己的家庭，十一二點才可以去睡，可以說已經大幸！行行都有辛酸史，也有害群之馬，只希望不要自已為是，而輕視別人的辛勞！ 也希望做家長的不要慌，因希望在明天．．．

點解做教師就要有100%職業保障,要人同情, 動不動就要人「呵呵」?!

因為教師唔同一般打工仔, 打工仔唔洗面對幾百個細路, 教師就要, 仲要個個細路都各有唔同問題. 你地打工仔只係需要deal with大人, 所以唔明教師面對咁多不同細路的壓力.

你要教好佢地, 加上好多家長只識乜都依賴老師, 自己唔幫手教仔女, 教師面對咁處境, 壓力自然大.
如果你試過教band 3學校, 因為D學生根本會同你堂堂玩野, 每一堂之前都要用一段時間培養上堂情緒. 唔係你以為教書好好做? 如果我唔係對教好細路有理想, 我一早quit左啦.

你咪以為教師只係朝八晚十一之嘛. 十一之後仲要返屋企繼續做... 我平常都係三點四點先訓, 第二朝要六點半起身返工, 你話係咪做教師好過癮?

教師同其他一般打工仔職業根本唔能夠相提並論, 教師係精神職業, 要培育細路成長, 唔係下下用商界那一套就work. 教師需要更多空間思考, 先可以有心力培育幼苗成長. 講真, 做教師呢行如果你唔係有理想真係咪鬼做, 因為外界人成日以為教師好得閒, 根本係偏見. 做到咁辛苦仲要俾出面D你話你唔做野, 如果唔係想教好班仔, 呢種工你打唔打都罷!

仲有長期為人詬病的90日假, 實情只係假像, 我做左教師八年, 年年暑假都要照常返工, 天天補課, 成日開會, 假期根本就係用黎做非正規課堂的工作, 計埋每年只剩20日假, 咁你話係咪好盞?

仲有, 香港社會根本就係病態, 香港人自己都要負責任, 我識得D打工仔朋友, 所謂返十二個鐘頭工, 其中好多時間係講是非, 搞office politics, 將D野拖到6:00後先做, 等老細以為佢地好多野做. 仲有, 香港經濟主導, 乜都講efficiency, money, 冇人情味, 只有struggles. 大家根本唔會敢早D返屋企陪仔女, 因為老細話家庭唔夠公司重要, 咁變態ga 社會你話點會生活得開心?

大家賺埋賺埋咁多錢, 換黎同屋企人關係疏離, 身體又唔健康, 跟住又用錢買埋哂D古靈精怪健康食品, 根本唔識養生之道, 咁ga 社會仲邊有希望.

記得有一個社會學家講過: 如果一個社會連最stable ga職業如civil servants, teachers都活在unstable situation中, 呢個社會就遲早會collapse. 香港正步向呢個死亡邊沿...

我學校幾年前都有呢D不盡不實、不負責任的老師, 不過已經俾校長用一D手段逼走, 走得七七八八, 剩下的都收斂左, 唔再敢咁狼請咁多病假. 不過校長大玩法家統治製造白色恐怖, 有乜野措施都針對全體老師 (雖然心知佢其實想針對害群之馬), 攪得大家好辛苦.
所以, 當校長炒左D害群之馬, 的確大快人心, 但之後發覺校長用呢D手段進一步對付佢唔鍾意的老師 (縱使那些是好老師), 就開始覺得無奈. 野依然繼續勤力地做, 但同時有把刀架在你頭上, 都幾可悲.

另一位老師的自白:

我覺得行外人跟本不明白老師工作的實況，只是由於大家都曾經在學校讀書，就覺得自己已掌握他們工作的苦處。

很多人都說，他們工作時數都很長。

許多老師未天光就出門，返到學校，一日（幸運的話）只有三數節空堂，即使是空堂，匆匆來回課室，打點一下課堂前後的東西，已無法處理案頭的工作。

直到放學，假如沒有學生來問你問題，而你又不主動去接近他們，再加上沒有拔尖補底/課外活動，而你不用趕著進修上課，你可能會在四時許坐定定工作。以語文老師為例，老師要批改的可能包括練習簿、默書簿、作文（有長有短）、週記、閱讀報告……坐定定改一編作文已需要5-10分鐘不等，一班40人，有些老師要教兩、三班語文再加其他科目，就批改課業的工作量已十分驚人，還有測驗考試時出卷的工作，以及不定期的進度表、週年計劃、編寫教案、工作紙等等。把工作帶回家、星期六、日繼續工作是必然的事。

另外，還要備課呢？很多人以為老師只是走進教室，隨便順口風花雪月一番，其實現在的課程緊迫，老師開學時已寫好教學進度表，加上要配合全級的進度，所以每課節都有既定的教學內容。

試想想，假如你不是老師，你要花三十五分鐘向數十人講解一些課題，即使是你最在行的東西，你都要構思講解的步驟、程序、器材吧？遇有細節的地方，查閱資料、參考書更是必然的事。現在教改著重在課堂配以提問技巧、IT、互動（或小形教學活動）……你要認真想一堂的程序，已經要花不少氣力了，何況是每一天都要上數節呢？備課的時間何處來？

另外，我相信許多老師都像我一樣，無論你當天的心情如何，你在進入課室前更要CHEER
UP自己，帶動課堂氣氛，否則你根本無法撐一整課節。假如學生不生性，你更要與他們角力，簡直時時刻刻都在戒備狀態，有時返到教員室，喉嚨乾涸，整個人也像虛脫一樣。這些都不是「年資深」就能減輕的壓力。

假如老師正在進修，情況就更惡劣。

試想像老師就埋首在這樣的生活中，怎會不緊張、不過勞？

我知道行行都有壓力，但老師除了要面對文件、面對學生，更要面對家長、上司、社會大眾等。教統局只是處處面向家長、討好一般市民。老師的工作本身已不輕鬆，現在是真正百上加斤，近年的工作量有加無減，實在於理不合！

我想問，大家都覺得今天學生語文能力低、成績倒退、高分低能……都是老師的負任，又要老師進修什麼什麼，但我們小時候，那些老師的資歷不是更差嗎？他們都沒有多少進修，沒有基準，甚至沒有教育文憑，沒有學位，但當時學生的成績不是更好嗎？為什麼今天學生成績不佳，就要把責任全部推到老師身上？更別說要考什麼基準之類了！！！！

copy by : 教育城-老師討論區

HoME｜教育/學校雜談